Recientemente por haya un calendario riba e website di Inspectie Volksgezondheid Aruba (IVA) cu ta duna informacion di e boticanan na warda. Tur dia por check cua boticanan ta na warda p’abou y p’ariba di brug. Si acaso tin cualkier cambio, esaki lo wordo cambia riba e website mesora. Pa IVA ta importante pa pueblo tin e informacion corecto di boticanan na warda pa preveni cu ta bay na un botica robes. IVA a recibi varios keho di ciudadanonan cu esaki sa sosede, pues kier traha na mehoracion den duna e informacion aki. Informa pueblo debidamente di boticanan na warda tambe ta forma parti di e mehoracion di e calidad di cuido na Aruba. E calendario por haya mesora riba e home-page di e website di IVA: www.iva.aw