Diadomingo awor, dia 2 di december 2018, musiconan lo bini hunto na veld di Madushi Stars, pa e di tres edicion di “CaiSoca Softball Bash”. Stichting Musica ta presenta e fundraising aki den forma di un competencia amistoso. Un encuentro unico, na unda musiconan di nos bandanan local lo topa otro hungando softball y asina “warm up” pa Aruba Caiso & Soca Monarch 2019.
E team nan cu lo topa otro ta:
- Hot Ones vs Ronwayne Boyz
- Le Groove vs Fiyo Boyz
- Bad Devils vs Doune Girls
- Happy Family vs Serlimar
E bandanan cu lo percura pa un dushi ambiente riba e dia aki ta Tsunami, Le Groove, Hot Ones y Rincon Boyz y lo tin un Classical Home Run Derby cu sigur lo causa sensacion. Tambe na Madushi Stars lo tey dos famoso cantante cu lo tin un bon variacion di musica, DJ Easy B y DJ Swoosh cu lo t’ey for di ora nan trempan di mainta.
Weganan ta cuminsa desde 10’or di mainta y bar y cushina lo ta bon surti. Riba e Facebook page di Stichting Musica lo por sigui tur desaroyo di e “CaiSoca SoftBall Bash” ariba nos facebook page www.facebook.com/Stichtingmusica.
Bini uno, bini tur pa apoya y pasa un dushi dia cu nos talentonan local!
