Caida den accionnan di Merca ta afecta economia global

Si Merca tin problema, e otro economianan di mundo tambe lo tin problema, segun e experto Jim Rogers ta sigura.

E benta masivo cu a asota e accionnan Mericano e siman aki ta afectando otro economianan di mundo tambe, e veterano coredo di bolsa di balor, Jim Rogers. , cu a predeci un mercado, caminda cu lo tin hopi perdida.

“Merca ta e nacion cu mas debe den historia mundial y e economia mas grandi. Loke e haci ta afecta otro economianan grandi manera Japon of Europa. Si Merca tin un problema, tur otro tin’e”, Rogers a señala den declaracionnan cu RT.

E crisis normalmente ta cumisna na luganan mas chikito y esaki a cuminsa caba. Na Argentina, Turkia, Venezuela, Indonesia e mercado ta cayendo caba y esaki por ta e fin, e experto a indica.

Dia 11 di october, e promedio industrial Dow Jones a experimenta un caida di mas di 600 punto, marca pa perdidanan fuerte  den e accionnan. Segun Marketwatch, e promedio industrial a cay 650 punto, un 2,7 %, pa keda para na 24.962 punto. E mesun tendencia por wak den e indicenan S&P 500 y NASDAQ, cu a experimenta un perdida di 2% y 1,25% respectivamente.

Esaki ta laga Dow Jones cu’n perdida di casi 1400 punto den dos dia, mientras cu NASDAQ ta den e zona di correccion y un 10% bou di su maximo. S&P 500 a cera cu perdida pa di seis dia consecutivo.

Un di e motibonan di e caida aki ta e incertidumbre impulsa pa un aumento den e rendimento den e bondnan di gobierno Mericano, un tendencia cu ta implica debenan mas grandi pa corporacion y individuonan.

E Reserva Federal dia 26 di september ultimo a hisa e tasa pa di tres biaha e aña aki, e di shete desde cu Donald Trump a wordo eligi como presidente. Trump semper a critica e politica monetario di e Reserva Federal. “Mi ta kere cu e hendenan di FER a bira loco”, el a sigura diaranson.

Segun Rogers, Trump ta kiboca den su actitud pa cu e politica di FED. “E berdad ta cu e Reserva Federal si a bira loco algun aña atras y a baha e tasanan di interes, algo cu nunca antes den historia a tuma luga. Awo e ta purbando di recupera su sentido comun y hisanan na e nivel apropia”, el a splica.

Comments

comments