LONDON, Inglatera – Na Inglatera, un caha di morto di por lo menos 800 aña bieu a kibra, despues cu un famia kier a saca un potret den un museum. E bishitantenan a hisa nan yiu riba e glas net riba e caha di morto, cual a cay abao.
Esaki ta segun e corant, Echo. E caha di morto aparentemente ta e ultimo luga di sosiego di un monhe, cu un tempo tabata biba un caminda den e museum, cu desde 1921, ta exponi. Tabata tin varios scheur den dje, pero awo un huki a wordo kibra.
Huida
Apesar cu e incidente a wordo filma cu camaranan di siguridad, e museum no por a papia cu e famia riba nan comportacion. Nan a sigui nan caminda, manera cu nan a ripara cu e caha tabata kibra, segun Claire Reed di e museum.
“Algun trahado a scucha algo pisa cay abao, y esey tabata e prome indicacion cu algo a sosode,” el a bisa. “E piesa aki ta hopi importante pa nos y historicamente mira e ta unico, tin poco artefacto cu a wordo haya cu ta data for di e periodo en cuestion den e area aki.”
Costonan halto
Reed: “Afortunadamente nos por repara e daño.” Pero door cu tabata un obheto asina bieu, e costonan pa e reparacion ta hopi halto. Ta pa e motibo aki e museum tin planea pa tuma medidanan, pa asina den futuro e caha aki no sigui wordo afecta. “Nos tin pensa di proteha e caha aki completamente.”
Fuente: www.rtl.nl