Curacao: Di Diadomingo 8 di Mei te cu Djasabra 14 di Mei 2022, mas o ménos binti kadete di KMA/Akademia Real Militar na Breda (Hulanda) lo kompletá nan treinen pa bira Ofisir, ku e ehersisio ‘Alumno to Suda’ na Aruba. E kadetenan ta kuminsá ku nan entrenamentu profeshonal despues di verano, komo e último preparashonnan riba nan promé funshon komo Ofisir dentro di e vários sekshonnan di arma i servisio den Ehérsito Real .
Di Djadumingu 8 di Mei te ku Djasabra 14 di Mei 2022, mas o ménos binti kadete di KMA/Akademia Real Militar na Breda (Hulanda) lo kompletá nan treinen pa bira Ofisir, ku e ehersisio ‘Alumno to Suda’ na Aruba. E kadetenan ta kuminsá ku nan entrenamentu profeshonal despues di verano, komo e último preparashonnan riba nan promé funshon komo Ofisir dentro di e vários sekshonnan di arma i servisio den Ehérsito Real Teniendo e ehersisio na Aruba, e Ofisir Aspirant ta eksperenshá kon ta operá den un ambiente diferente, den konteksto i irkunstanshanan klimatológiko otro di loke nan ta kustumbrá ku n’e. Kreando un konteksto operashonal, un transmishon asina ta keda simulá.
Parti di e programa ta entre otro, lèsnan di parti di Milisia di Aruba (ARUMIL), deporte, aktividatnan inusual, momentunan di reflekshon, i un ehersisio di 24 ora ku sosten di Kuerpo di Marinir di Kazèrne Savaneta.
Dia Soshal
Riba Djasabra 14 di mei ta klousurá e programa ku un dia soshal na Aruba. E dia ei e kadetenan ta lora nan manga di kamisa pa yuda ku mantenshon i asuntunan práktiko na Ambiente Feliz, un hogar familiar remplasante pa esnan deskapasitá mentalmente, i tambe na Sgt. Pepper Friends Foundation, un refugio pa animal na Aruba. Aktividatnan soshal pa e kadetenan ta keda ehekutá mas frekuente durante aña, pa asina aportá na organisashonnan lokal i pa un bon kousa.
Na ‘Koninklijke Militaire Academie’ (KMA) na Breda anualmente sentenáres di kadete ta keda entrená pa bira Ofisir. Na KMA por sigui un entrenamentu kòrtiku pa Ofisir, un siñansa den siensia Militar, òf un entrenamentu spesialisá. KMA ta trein Ofisirnan pa Ehérsito Real, Forsanan Aéreo Real i Marechosé Real.
KMA ta keda sostené den organisashon di e ehersisio aki pa ‘Expertisecentrum Leiderschap Defensie‘ (ECLD) i ‘Faculteit Militaire Wetenschappen’ (FMW). E institutonan aki ta parti tambe di Nederlandse Defensie Academie (NLDA). Tambe nan ta traha konhunto ku ARUMIL i Marina Real.
