AMSTERDAM, Hulanda- Pa mas tarda 2022, Lidl lo stop cu e benta di sigaria. Den e proximo temponan e lo bay elimina e benta di sigaria gradualmente. Asina tambe, Lidl ta bira e prome supermarket cu lo elimina tabaco for di su shelfnan.
Segun Lidl e comunidad ta bay mas den direccion di un sociedad liber di huma. E cadena di supermercado a wak un disminucion di benta di sigaria den e ultimo añanan.
“E benta di sigaria a baha desde un paar di aña caba, desde cu a cuminsa cu medidanan desalentador.”, un vocero di e cadena di supermercado a bisa. “Prome e sigarianan tabata gewoon riba shelf unda cu bo por a cumpra nan como cliente, despues esey tabata posibel solamente na e cahera y ultimo, nan a disparce for di e bista di e cliente. E siguiente stap ta pa stop e benta total di sigaria.
Ehempel pa otro sectornan
E Aliansa pa un Hulanda liber di huma (Alliantie Nederland Rookvrij), un iniciativa di KWF Kankerbestrijding, e Fundacion pa Curason (Hartstichting) y e Longfonds (Fundacion pa Pulmon) ta papia di un decision fantastico. Segun e organisacion, Lidl ta un ehempel pa e sector. “Mi ta felicita Lidle cu e stap importante aki y pa a tuma e liderasgo. Otro supermercadonan sigui e ehempel aki”, segun e presidente, Italianer.
Na comienso di e aña aki, drugstorenan manera Kruidvat y Trekpleister a anuncia di baha e benta di tabaco te cu na 2019, e lo no ta disponibel mas. Desde 2020 lo ta prohibi pa e supermercadonan bende sigaria na publico. Pa otro puntonan di benta, manera stationnan di gasoline, drugstore y kiosconan, e medida ta bin na vigor na 2022.