BOGOTA, Colombia- Autoridadnan Colombiano a haya cuater cadaver, di cual tres di nan lo por ta di e ekipo periodistico di e corant Ecuatoriano El Comercio secuestra y asesina pa disidentenan di FARC. Esakinan ta lidera door di “Gaucho”, segun e presidente Colombiano, Juan Manuel Santos a informa awe.
“Mi a wordo informa cu nan a haya algun cadaver cu por coresponde na e curpanan di e tres periodistanan secuestra y asesina pa ‘Gaucho’, Santos a scirbi ariba su cuenta di Twitter, unda cu el a agrega cu nan ta trahando ariba e verificacion di e identidadnan di e curpanan.
Den e mesun mensahe, e mandatario a reitera su condolencia na e famianan, como tambe su “repudio pa un crimen asina horibel”.
E hayasgo a tuma luga den e area rural di Tumaco, segun e corante El Tiempo di Colombia. E zona ta un zona yena cu minanan y e ministerionan di Defensa y Relacionnan Exterior comunica cu Quito pa duna nan e informacion.
Segun El Tiempo, “fuentenan halto a confirma cu un di e curpanan ta di Javier Ortega, e periodista. Di mes manera, den e zona a haya mas cadaver, di cual un di nan ta corresponde na un di e hefenan di siguridad di ‘Gaucho’.
Segun e minister di e Defensa, Luis Carlos Villegas, polis a informa cu ya caba e trabao di identificacion di cuater cadaver den e zona ey di e pais. Pero solamente te cu diabierna e proceso forense lo termina na Cali.
Fuente: EFE