CEDE Aruba ta creando of miho bisa, haciendo uzo di e plataforma cu t’ey caba, cual ta org.aw. Sr. Tecklenborg ta splica mas.
Ta creando den e plataforma aki, e opcion pa fundacion pa por publica nan eventonan y nan trabaonan boluntario. Locual ta dunanan como opcion, ta post como volunteer job, specificando e tarea, e lapso di tempo, pa asina bo por hala mas atencion. E cantidad di boluntarionan nobo ta den e grupo di edad di hoben, cu ta mustrando hopi interes pa haci trabao boluntario, pero nan no sa unda pa cuminsa of unda pa aplica.
banda di esaki tambe, e grupo di hendenan ariba 65 aña, cu despues cu nan a bay cu pensioen, a wordo laga un banda y no ta wordo envolvi mas den e tipo di trabaonan aki. Banda di esaki ta kere den bon conexion entre fundacionnan y e sector priva, mirando cu companianan ta contribui hopi caba cu donacion etc. Pero nan ta wak un tendencia tambe cu compania kier ta mas envolvi den actividadnan di e organisacion. P.e. drecha un edificio, trece conocemento den un organisacion, organisa un workshop pa un fundacion. Y asina como compania, bo por evalua con pa contribui mas, cu solamente contribucion, cual ta importante y mester keda. Pero por ehempel un accountant pro contribui cu su conocemento di cifranan. Un compania di construccion por contribui cu nan conocemento di construccion.
Segun Sr. Tecklenborg, boluntarismo no a baha, pero mas el a cambia. Nan mester cambia nan manera di atrae boluntario.
Na prome instante, cada organisacion mester pensa con pa duna balor na su boluntario. Si un organisacion por organisa un evento cu tur su boluntario. E por organisa dianan di conocemento. Pero sr. Tecklenborg ta di opinion cu, CEDE Aruba, despues di set up e parti di communityguideorg.aw
Nan tambe kier pensa con pa stimula con pa crea mas incentivo pa boluntarionan. Door di p.e. transporte gratis. Tambe den e sector priva, si tin cierto descuentonan cu e boluntario ta haya, si e por prueba cu e ta traha. Mester zorg tambe pa abuso no tuma luga den e area ey. CEDE Aruba ta hopi open pa pensa hunto cu gobierno y sector priva con pa crea mas estimulo.
Masha poco clubnan deportivo, cu tin hopi miembro y ta keda cu su miembronan. Si tuma como ehempel gruponan di scouting, cu ta for di mucha bo ta eyden. Bo ta crece y bo por bira lider despues. Tur cos ta depende di con nos ta trata nos miembronan, con nos por atrae mas hende y con por splica mas concreto kico nos ta spera di boluntarionan y kico nan por gana door di ta un boluntario, segun Sr. Tecklenborg.
Como organisacion, mester wak ki tipo di boluntario bo mester, ki tipo di persona, con disponibel e mester ta. Ki tipo di persona. Di eynan bo ta wak unda bo tin cu busca. E no ta make sense pa organisacion manda un comunicado pa medionan di comunicacion. Pero mester busca concreto, unda por haya e boluntario potencial aki. E por ta hoben, e ta un trabao fisico, e ta un trabao cu cierto experiencia. Dus tur esey mester pensa bon prome cu bo ta busca.
Un biaha mas, CEDE Aruba kier contribui cu e plataforma di org.aw, unda tin e opcion unda organisacionnan por publica nan trabaonan boluntario.Pero cada organisacion mester evalua bon ki tipo di boluntario e mester y unda ta hay’e.