Por lo menos, un persona ta resulta herida di bala na Rio de Janeiro cada ora. Esaki segun un informe di diaranson, elabora riba datonan oficial di cuater hospital municipal di e ciudad.
Segun medionan, e cifranan real mester supera e datonan aki, ya cu e balansa solamente ta contempla e casonan registra na hospitalnan municipal. E no ta inclui personanan atendi den hospitalnan priva.
E informe aki a wordo publica mei mei di un conmocion cu e morto di un mucha di dos aña, victima di un bala perdi. E mucha tabata hungando den un parke den e zona noord di Rio de Janeiro, considera un di e ciudadnan mas peligroso di Brazil.
E morto di e mucha a tuma luga den un tiroteo entre polis y delincuentenan, den oranan di anochi di diadomingo.
Segun e organisacion no gubernamental Rio da Paz, den e ultimo decada 31 mucha a perde nan bida na Rio de Janeiro, pa e mesun motibonan aki.