Presidente di HAVA (Asociacion di dokternan di Cas), dr. Joaquin van Trigt a splica mas di e curso di NHG triage wijzer cu e 50 assistentenan di dokter a haya. Dr. Van Trigt ta conclui cu e desaroyonan cu e assistent a haya mas responsabilidad, compara cu antes, unda tabata papia mas di secretaria. Tabata un opleiding cu falta di un background medico. E asistentenan di awendia a haci un desaroyo bastante extensivo, unda cu a bin un opleiding, sea na Hulanda, y na Aruba tambe tabata tin un verkorte opleiding pa asistente of secretaria cu no tabata tin e background medico.
Pa e dokternan di cas, e asistentenan ta esencial. Nan ta un extension di e dokternan, y nan ta wak hopi biaha, loke e dokternan no ta wak. Nan ta e prome punto di acudi pa e pashentenan. Nan ta dicidi con e flow den e oficina di dokter ta bay. E pashent ta exigi y ta nan derecho, pa nan wak un dokter. Pero ta bon toch, pa e asistent tin cierto conocemento, a base di un triage wijzer, cu el a haya den su opleiding. Y tambe e por duna un advies, a base di esey, cu no necesariamente mester bin for di e dokter di cas mes. Depende di e habilidad di wak bo mesun dokter di cas pero tambe di tin un bon contacto cu e asistente di dokter. Si e asistente di e dokter, si e ta duda den cualkier caso, ta sinti cu e dokter of cu e pregunta mester wordo dirigi pa e dokter di cas, lo no dura cu e asistente lo tuma contacto cu e dokter. E asistente nunca lo tuma un riesgo ora cu e ta duda. Tambe nan ta reuni ariba e funcionamento di e asistente y su rol den e practica di e dokter di cas.
Dr. Van Trikt a sigui splica cu e opleiding aki, no ta algo nobo, pero e ta algo basta bieu caba, cu a wordo traha na Hulanda, segun e protocol di NHG. e ta basa ariba research y locual e ta haci, e ta un nivel di entrada. E ta unda un urgencia na e caso. P.e. ora cu un pashent yama bisa cu e tin dolor na pecho, esey ya caba mester sali un codigo cora, den e cabes di e asistent. E ta algo serio, e pashent mester acudi di biaha pa e haya atencion medico. Cosnan manera griep, un problema di cuero, p.e., esey ta cosnan cu hopi biaha ta cay mas abao den e sistema di triage. E ta wordo categorisa como no urgente y ta haya un afspraak den un of dos dia. Esey ta con e sistema di triage ta traha. E ta algo nobo pa Aruba y pa e pashent custuma cun’e, cu e asistente ta haci algun pregunta pa establece si e pashent mester bin di biaha of e por haya un afspraak den un pa dos dia.
Segun Dr. van Trigt, esaki no ta pa haci e drempel pa yega na dokter mas halto.
Dokternan di Cas tin un afspraak cu AZV, cu cada consulta di dokter, mester tin un background medico, cu por haci un triage, y ki responsablidad e dokter ta duna nan asistent. Dr. van Trigt ta splica cu den consultorio, nan tin tres y nan por duna asistencia medico adecua. Tambe e dokternan di cas ta bezig cu AZV con ta regula esaki den cada consultorio di dokter di cas, mester tin por lo menos un asistent di dokter certifica, cu por duna asistencia medico, manera triage.