Pa Sra. Thixianne Wever, coordinador y boluntario di Aruba Doet 2017 a splica kico por ser haci e aña aki pa participa den e dos dianan den luna di maart cu ta dia 16 y 17 di maart.
Por bay ariba e website di Aruba Doet, cual ta www.arubadoet.com, crea un profiel y asina tira un bista ariba tur e proyectonan cu tin. E proyectonan ta varia hopi di otro y cada persona lo mester wak cual ta mas na su gusto.
Como organisacion, kisas no ta doet mee cu Aruba Doet, pero kisas lo por meld aan pa yuda un otro organisacion cu si mester. E aña aki, Aruba Doet tin un package promocional, cual hopi boluntario tin hopi aña ta pidiendo pe. Nan tin e cap, cu sticker di 5 aña pero cu por sigui uza durante e proximo añanan. Tambe nan tin t-shirt y como boluntario, ta ricibi un certificado cu ta bisa cu e boluntario tabata “on” cu Aruba Doet.
Sra. Wever a splica cu e fechanan di Aruba Doet e aña aki, ta Diabierna 10 di Maart y tambe Diabierna, 17 di Maart. Algun di e proyectonan ta cuminsa mainta, tin di nan ta bay full dia y tin di nan ta bay mita dia so. Cada boluntario, lo por scoge ki horario cada persona lo kier yuda, si ta parti paden of pafo, un actividad social of haci algun reparacion. Pero tambe tin trabao cu ta di sali keiro cu hende grandi, malcria algun mucha pa mita dia y full dia. Ainda Aruba Doet ta buscando boluntario pa yuda ariba e dianan aki.
Pa loke ta trata e materialnan, Aruba Doet ta duna cada organisacion social e siman aki, lo haya sea un check of un transfer, y nan lo por haci nan compra pa materialnan cu nan mester. Si cada boluntario ta desea di trece algun material adicional, esey tambe ta posibel, segun Sra. Wever.