Diahuebs bahada di solo un homber coriendo riba su bicicleta den e bario di Plantersrust direccion pa Seroe Biento a keda ataca pa algun cacho. Un automobilista cu tabata algun meter su tras a mira con e homber a bay halto y cantidad di cacho a core bay.
E ciudadano a baha fo’i su vehiculo y a duna un man y a reporta di biaha na centro di alarma ambulance y polis a keda dirigi di biaha.
Ambulance a presenta y paramedico a brinda asistencia n’e homber, polis di trafico tambe tabata presente debi na prome instante polis a keda notifica auto a dal hende pero no tabata e caso. Polis a tuma dato di e caso y a bay busca paradero kende ta doño di e cachonan cu tabata riba caya.