Central di Polis ta manda un patruya pa un cas na San Miguel pa un asistencia, unda cu’n mucha lo a wordo mordi door di un cacho. Na nan yegada polisnan ta wordo acerca door di e señora PDS, kende a declara na polisnan cu su yiu muhe PADR a wordo mordi pa un cacho, segun un bisiña a bis’e. Pero e mucha a coi bus pa bay school. Mas sigur scol lo hiba e mucha pa Eerste Hulp.
E mama di e mucha ta sigui bisa cu e cachonan ta pertenece na un cas roos. Polisnan ta bay na e cas y ta constata cu e cas no tin cura. Dos cacho preto ta core bin direccion di e polisnan y ta cuminsa blaf. E cachonan no tabata mara. Oficialnan di polis ta papia cu e doño di e cas, sra. L. E sra en cuestion a bisa polisnan cu e tin dos cacho “crioyo”, un macho y un tefi. Actualmente e cas no tin cura y tampoco un palo di mata pa mara e cachonan pa nan haya sombra.
Polis a pone e sra na altura di e sucedido pa loke a pasa, pa e hecho cu su cachonan ta los ariba caya, pa cual e por haya boet y tambe cu probablemente e lo mester paga e gastonan medico di e mucha.