Cabrito ta mustra evidencia di a desaroya e sensibilidad pa diferencia e variacionnan di e bos humano. Di e mesun forma, nan ta distingui entre otro e tono alegre of uno fada.
Esaki t’e conclusion di un estudio co-lidera p’e experto den comportacion y bienestar animal di e Universidad di e Ciudad di Hong Kong (CityUHK), profesor Alan McElligott.
E investigacion, publica den e revista Animal Behaviour, ta revela cu e cabritonan lo por a desaroya e capacidad aki a su relacion largo cu humano. Esaki “ta contribui n’e biografia existente scars cu ta indica cu cria di bestia, mescos cu animal di compania, ta sensibel n’e señalnan emocional humano,” segun el a splica.
Aunke ya a investiga cu e cabritonan por identifica e emocionnan den e expresionnan facial humano, ta prome biaha cu a demostra cu tambe nan ta capaz pa compronde e tono di bos.
Cabrito sensibel
E investigadonan a haci cu e cabritonan a scucha un serie di bos cu a expresa tanto balor positivo (feliz) como negativo (fada). E resultadonan obteni a mustra cu 75% di e cabritonan “a mira esun cu ta papia despues di un cambio di balor durante periodo mas prolonga. E comportacion ta indica cu e cabritonan aki a percibi e cambio den e contenido emocional di e grabacionnan di bos humano.”
Pero tambe tabatin animal cu no a responde mescos n’e estimulonan ni a sufri cambio fisiologico manera aumento di batimento di curason. E investigadonan, despues, a atribui esaki n’e factornan externo.
No obstante, tanto McElligott como e dokter di e Universidad di Roehampton (Reino Uni), Marianne Mason, ta sigura cu e resultadonan aki ta “esencial” pa compronde e “comportacion” di e animalnan.
“Mester sigui investiga. Nos mester compronde e importancia di e bos humano den e bida emocional di e cabritonan. Asina mes, nos mester pensa den e bienestar di e otro especienan domestica,” profesor McElligot a conclui.
