Durante oranan di ayeranochi, Polis Municipal de Paz Castillo, di estado Miranda, Venezuela a haya un cabez di un homber colga den un kertsboom. E prome informe ta bisa cu el a wordo decapita dor di antisocialnan di e bario. Polis a acudi na e adres pa un posibel enfrentamento cu hombernan arma y na momento cu e antisocialnan a sinti nan mes acorala y atrapa, nan a logra huy for di e sitio. Durante intercambio di tiro, e funcionarionan policial tabata den persecusion nan a bin haya e curpa di Luis Miguel Solano Campo, di apenas 18 aña di edad. Polis a informa cu poco meter despues nan a bin haya e cabez di e hoben colga den un kertsboom. Mester menciona tambe cu den e enfrentamento aki un hoben di 23 aña a keda herida y a wordo identifica como Edinson Eduardo Ramirez.