Cabesante di Cacique Macuarima School Sra Rachelle Croes Caster durante un entrevista a comenta cu dialuna marduga for di caminda pa direccion e scol a tuma nota di basta huma mes y na su yegada a constata cu e candela ta saliendo for di e dak di e lokaal dilanti y ya brandweer tabata combatiendo e candela. Tur mi coleganan cu ta biba cerca di e scol ya a presenta na e scol y tabata un tristesa pa mira e situa.
E candela a coi e parti di plafond y a sigui pasa pa e otro lokaalnan pero e bon trabou di brandweer a haci cu esaki no a expande y evita cu mas lokaal a keda destrui. Cabesante di e scol a confirma cu prome cu e candela a cuminsa a tuma nota cu tabata tin destruccion y difrente graffiti pinta, y diferente cosnan riba tanto muraya y banki skirbi. E scol a keda laga bon atras diadomingo atardi pasobra tabata tin docente diadomingo durante dia preparando pa scol siguiente dia y a laga e klas den bon ordo.
Sra Rachelle Croes Caster a informa cu e exprencia cu e tin ta cu e klasnan e muchanan ta hopi trankilo y no tin ningun problema cu nan pa cu comportacion y tin hopi diciplina pa e scol y ta cuida material y mi no ta wak cu ta trata di mucha di nos scol.
Ta di lamenta e acto cu a keda haci y ki intencion nan tin cu esaki y loke nan ta perhudica ta klasnan completo y den e caso aki cuatro klas, tanto banki, mesa, digiboard, y tur cos pa nan haya les atrobe, y un tempo cu e muchanan lo bay ta for di nos scol pasobra no por haci uso di e lokaalnan mientras tanto locual ta lamenta esaki masha hopi mes unda e muchanan lo mester bay otro caminda debi cu nos ta full un team uni, y mayoria cabesantenan di otro scol cu tambe a yama nos pa ofrece localidad.
Pa e siman di 13 pa 17 Januari 2020 lo ta cera unda a hiba combersacion cu SKOA y directie inspectie y pendiente pa aloca e klasnan y e parti coriente pa e resto di scol.