Byron Boekhoudt di Centro di Pesca Hadicurari a splica cu e biaha aki ta bon mes cu e tuma accion lihe cu a pone cu ningun boto a haya daño, pero pa e pier si e biaha aki a haya basta daño, caminda cu mester bay duna atencion mirando cu e ta uno basta uza.
Hadicurari unda e ta situa, ta conoci pa asina lama bira, esta bin di abao, tin biaha hasta cu biento, of ora cu haya resake (swells), e ta haya hopi efecto di esaki. Por corda na 1999, na e pier bieu, cu e golfbreker mes, a ricibi hopi daño, y como 20 boto a bay perdi. Si compara esey cu awo, a siña for di e experiencia eynan cu asina cu haya indicacion cu algo ta bin y tambe siña for di e piscadonan cu asina cuminsa wak un seco den lama lanta, cu e lama a cuminsa haya un forsa. Esey, combina cu otro indicadornan di Meteo y servicionan informativo, a saca boto hopi tempran for di pier. Tin ora hasta por nada. Pero miho ta prepara.
Pa e parti eynan, di loke ta e comparacion di e pier mes, na 1999 nan ta keda bon, cu palonan mas masivo, caminda cu ta trece otro problemanan cune, cu santo ta keda acumula.
Esey a keda soluciona na 2006, ora cu a traha e pier nobo y for di e aña ey, te cu 2015, semper e pier a keda sobrevivi e atakenan di awa sin mucho problema. Solamente cierto partinan a ricibi daño, caminda cu repetidamente ta bin. E aña aki a bira mas pio, mirando cu e biaha aki el a sufri daño suficientemente grave. Tabata sa cu e horcan tabata bin, pero den su forsa y con hopi el a dura cu e forsa ey, a sorprende nan, segun Byron Boekhoudt.