Un edicion special di taller tecnico di BWF Para-Badminton aa tuma luga na Acapulco, Mexico, cu e participacion di para-atletenan, entrenadornan, clasificadornan, y representantenan di comite paralimpico nacional di 18 paisnan di nos region.
Un total di 80 participante a reuni na Mexico pa gosa di e actividad aki cu tin como meta pa promove desaroyo di Para-Badminton den e region y ta ofrece e recurso necesario pa medio di e cursonan siguiente: Campo di entrenamento pa huga, taller di administracion, taller di clasificado, y taller di entrenadornan di Para-Badminton.
Paisnan cu a participa ta: Argentina, Aruba, Bolivia, Brasil, Chile, Colombia, Costa Rica, Cuba, Republica Dominicana, Ecuador, El Salvador, Guatemala, Mexico, Panama, Peru, Puerto Rico, Trinidad & Tobago, y Estados Unidos.
E evento aki, dirigi pa e Federacion Mundial di Badminton (BWF) y tin sosten di e comite Internashonal Paralimpiko (IPC), Comite Paralimpico di Amerika (APC), Confederashon di Badminton Pan Americano (BPAC), Comite Paralimpico di Mexico (COPAME), y e Federashon di Badminton di Mexico (FEMEBA).
John Shearer, director di desaroyo continental di BWF, y Fern Gilders, director di desaroyo di turneo di BWF, a dirigi e taller di administrashon; Kaity Hall, Dina Abouzeid, Guillaume Gailly, y Letisson Samarone, entrenadornan experto di Para-Badminton, ta dirigi e campo di entrenamento pa huga y curso di educashon pa entrenadornan, mientras ku Vivian Salazar, clasificado di BWF, a dirigi e taller di clasificadornan di Para-Badminton.
Di Aruba a participa nos para-atleta Aiden Kock, hunto cune a participa Bernard den Dunnen (entrenador) Y Shadrea Croes di Paralympics Aruba.
Pa medio di esaki e Aruba Badminton Federation kier invita cualkier persona cu abilidad limita cu kier cuminsa cu badminton tuma contacto cu nos na 593-6789. Nos tin racket, shuttles y hasta rolstoel special pa badminton cu abo/nos por hasi uso di dje. NO laga bo abilidad limita strobabo di haci deporte.
BADMINTON TA PA UN y TUR.
