Diamars atardi cuatro turista a drenta parke y a cana pa mira nos flora y fauna, y aki e dos persona cu a sali bek bin na entrada di parke a haya falta di e otro dosnan debi cu nan tabata den un di e rooinan ta cana. Aki nan a informa e personalnan di parke y a pidi yudansa di Polis.
Live 1
Patruyanan a presenta y cuminsa busca den area di Cero Jamanota, di biaha a saca helicopter di polis cu tambe a tene un buskeda rond di Cero Jamanota, pero e famia na entrada a informa unda asina den e gps a perdenan for di bista.
Live 2
Presente na Parke tabata t’ey e vocero di Parke cu tambe a indica na nos cu ta prome biaha algo asina ta pasa y ta trata di pareha Colombiano riba 50 aña tabata perdi. A yama algun personal di Parke Arikok cu a sali for di nan cas pa duna un man. Durante buskeda na pia y den pickup un grupo a sali y tene un buskeda rond. Riba e sero di Arikok a bin topa cu e pareha turista aki canando den mondi, di biaha helicopter a lusa pa duna un man pa nan keda saca sano y salvo for di e mondi.
E pareha a yega na entrada di parke den pickup di parke y a gradici tur hende cu a yuda buscanan y nan tabata hopi cansa mes di a cana un pida basta largo.
