Den fin di siman Bureau Rampenbestrijding Aruba a tuma nota cu ariba medionan social tabata circula cu tabata tin un oil spill na Trinidad & Tobago.
Dialuna mainta Bureau Rampenbestrijding Aruba a acerca instancia oficial pa verifica e noticia pero no a ricibi nada oficial te cu awe 16:00.
Berdad tabata tin un oil spill na Chaquaramas Trinidad & Tobago.
Bureau Rampenbestrijding Aruba te ainda no por confirma si ta papia di un TEAR III of Trinidad & Tobago a contene nan un TEAR II, esta localmente.
Asina cu Bureau Rampenbestrijding Aruba ricibi informacion oficial, lo activa e team operacional y tambe lo notifica prensa y publico general.
Alabes lo cuminsa haci preparacion necesario pa responde si e oil spill bira un menasa pa Aruba.