Sigmund Jandroep logopedist di Bureau Multi Disiplinario y su funcion ta pa yuda muchanan cu tin problema di siñamento y problema riba e nivel di desaroyo pa nan por tin un mihor chens pa scol y estudio regular. Nos ta contento di participa na e expo di SKOA pa duna nos aporte na respuestanan y preguntanan cu mayor por tin pa loke ta trata problemanan cu nan tin den loke ta desaroyo y siñamento y dificultad cu nan por tin cu e mucha.
Sr Jandroep a bisa cu nos ta traha directamente cu e muchanan na scol y nos ta guia e mayornan tambe durante cu nos ta guia e muchanan, nos por duna anochinan di informacion na scol y e trabou cu nos ta haci cu e muchanan ta directo y nos ta haci investigacion y sugerencia kico pa haci den klas of na cas. Ta un di e funcionnan cu nos ta haci y asina nos ta duna e muchanan un verwijzing si encaso cu nos ripara cu despues di tur e testnan y tur cos cu a keda haci cu e muchanan ta un dificultad pa por sigui un scol regular y nos ta e instancia pa duna un sugerencia pa e muchanan bay scol special.
E edad di muchanan cu Bureau Multi Disiplinario ta atende cune ta for di kleuter te cu 12 aña y e idea ta pa nos crece y bay pa e hobennan te cu 18 aña.
Sr Sigmund Jandroep a bisa mayornan cu kier aserca nos departamento por aserca nos via scol y scol ta esun cu ta observa kico ta e problema cerca e mucha y nan ta pidi e mayor su cooperacion pa haci e melding cerca nos of mayornan por pasa cerca nos pa meld aan nan yiu na Pampoenastraat 14, na telefon 5825859 Bureau Multidisciplinair Centrum Aruba.