Nos ta un luna caba den aña escolar 2017-2018. Manera tur aña Bureau Leerplicht ta monitor si tur nos muchanan ta bayendo scol. Despues di a tuma contacto cu e directivanan di scol, nos por informa cu tur mucha a haya un lugar na scol. Tin algun caso di muchanan cu a busca scol laat y cu ta desea di haya un lugar na un scol cerca di nan cas. Tin biaha esey no ta posibel, pero e directivanan ta percura pa e muchanan ey wordo poni na un otro scol.
Bureau Leerplicht ta satisfecho cu e contacto cu nan tin cu e directivanan di scol y ta spera cu e cooperacion aki lo sigui den e aña escolar aki tambe.
Bureau Leerplicht ta desea alumnonan y maestronan un bon aña escolar 2017-2018.