Den un encuentro cu e trahadonan di Bureau City Inspectors (BCI), a introduci na e team e director nobo cual ta Sr. Kevin Peterson. Empleadonan a acepta e director cu aworaki tin e encargo pa hunto sigui pusha e departamento pa bay dilanti.
Sr. Peterson tin 31 aña formando parti di Cuerpo Policial, pa cual durante e ultimo 5 añanan tabatin e funcion di hefe di Top Tourist Oriented Police (ex Visibility Team), durante e ultimo aña sr. Peterson a traha na e departamento di ‘strandpolitie’.
Desde añanan 1988 te cu 2012 sr. Peterson a traha den e departamento di straatdienst di Cuerpo Policial pa e districto di Oranjestad y como ‘Ploegcommandant’ desde 2001 pa 2012.
E carera extenso di sr. Peterson den Cuerpo Policial ta refleha entre otro experiencia amplio ‘riba caya’ cual sigur lo yuda dirigi e departamento di Bureau City Inspector, hibe dilanti y na e proximo nivel. Sr. Peterson a ricibi bin bini di henter e team y palabranan di exito cu e reto nobo.