Robby rosel Pr di Bureau City Inspector ta splica cu tin hopi sushi tira den e rooinan. ta haci e peticion di no tira sushi den e roinan ya cu esaki ta un di e temanan hopi importante.
E ultimo dianan mester a saca hopi sushi di e rooinan na Bubali, Noord, Santa Cruz, Cura Cabai. Door di esaki ta haci e peticion di no tira mas artefactonan electrico entre otro, ya cu e ta storba e fluho di e awa y esaki mester core pa e mes un motibo ta pidi pa mantene e rooinan y damnan limpi pa ora awa yobe e cunukeronan por haya awa pa nan plantacion.
Pa e persona cu por mira hendenan ta tira sushi por haci nan keho cu e aplicacion Fixi of yama na 5829777. E aplicacion di Fixi ta bayendo bon tin mas di mil persona cu a subi y manda nan reclamo.
Tin hopi reclamo na e centro di Oranjesdad door di e chollernan. Tur notificacion cu drenta ta wordo manda na e departamento concerni. D.O.W tin 40 Ploeg y un di nan ta esun di Oranjestad, Bureau City Inspector tin 6 Ploeg, Serlimar tin 46 Ploeg y mester tene na cuenta cu ora e keho drenta ta wordo manda na e departamento concerni. Si e keho ta pa cacho esaki ta cay bou di polis di bario, y si ta awa di pos ta cay bou di DNM y City Inspector pero DNM ta tuma e muestra, si ta awa di pos ta cay riba caminda y si ta asina e persona responsabel ta haya un boet. Segun cu Bureau City Inspector ta ricibi e reclamonan y tin ora nan ta duna un man na e otro departamento tambe. Pero mester corda cu cada situacion tin su departamento cu ta controla y no ta Bureau City Inspector so, ta encarga di tur e kehonan.