Den un entrevista cu Robby Rosel, relacionista publico na Bureau City Inspector, a bini dilanti e tema di tapaboca y con por mira esakinan benta abao rond di diferente caminda di nos isla.
Den cuadro cu e pandemia, tapaboca awor a bira algo cu nos tur tin cu uza diariamente pero City Inspector ta constata cu na diferente sitionan na Aruba con hende ta laga esakinan tira riba caminda. “Cada un di nos co ciudadanonan sa con nos ta pasando den e temporada aki dificil pa e Coronavirus cu ta tumando lugar rond mundo actualmente. Nos como pais chikito ta sufriendo hopi di esaki, nos economia ta bayendo atras y nos no kier pa ningun hende tampoco bira malo”, sr. Rosel ta enfatisa.
https://www.facebook.com/masnoticia/videos/1076079912824905/
Ora cu e patruyanan di City Inspector cu ta riba caya cu ta piki esakinan, nan ta deposita esakinan na dump.
Ta importante pa nos ta mas responsabel cu tapaboca y no tira esaki riba caya pasobra fuera di esaki ta mahos bista, si a caso bo tin e virus aki e ta peligroso pa esnan cu ta encarga pa piki esakinan riba caminda, nan por facilmente contamina cu e enfermedad aki.