Bureau City Inspector, hunto cu demas departamentonan manera Cuerpo Policial y tambe Serlimar, lo bay start sali cu un accion, pa asina mantene diferente bario limpi, cual lo bay ta segun fechanan stipula te cu fin di aña.
Nos no mester inventa e wiel di nobo, pero ley ta stipula cu tin cu acerca hende y duna nan un chens. Mester acerca pa bisa cu a bay cerca e ciudadano y bay cu varios desperdicio, pero no a mantene su mes na e reglanan, segun Marlon Pietersz, di bureau City Inspector. Of tambe e ta pone e desperdicionan na un manera pa asina Serlimar por recoge. E mester haci esaki den cura y no riba caminda publico.
Kico kier logra?
Tabata tin cierto accionnan cu a tuma luga aña pasa y e aña aki tambe. E sancionnan di parti di City Inspector ta tiki limita y kier haci uzo di cuerpo policial y Serlimar pa e bira un tiki mas fuerte eyfo.
Ora cu duna hende un boet, pa ora cu e yega Ministerio Publico of wordo yama dilanti, sigur sigur tres pa cuater luna a pasa. E proceso ey ta loke ta stroba no solamente Bureau City Inspector, of polis, pero e otro isntancianan. Masha poco boet ta wordo procesa e rato ey y cu e ta wordo cobra di biaha. Si por a haci esey, lo a keda cla. Ta trahando riba dje. Pa fin di aña a priminti pa tin algo, pero no sa ainda. E por bira pa fin di aña of pa otro aña. Pero cu tin e posibilidad pa City Inspector mes, esey ta sigur, Pietersz a splica.
Pa tur hende cu kier haya ayudo di e 3 departamentonan aki lo tin cu yama un solo number cu ta keda na oficina di City Inspector segun Marlon Pietersz.
E punto di informacion caminda cu tur hende por yama, ta City Inspector. Fuera di esey tin un email tambe cu ta [email protected]. Tin cu tene cuenta cu e accionnan aki ta pa auto bieu, wasmashin, stof. Logicamente tin hende cu lo bay drenta, pero den e caso aki si ta yama pa eseynan, haci bon uzo di dje, pasobra awor aki ta e chens cu por benta e auto bieu awo, e wasmashin, stof, etc.. Tene cuenta cu si e ta pafo di cura ta mas facil y si e ta den e cura, City Inspector lo wak e situacion y lo wak kico por haci. Ta pidi ayudo di pueblo mes, pa haci esaki pasobra ta na mas cu un ocasion caba cu ta haci tur e tipo di accionnan aki. Si mester tene cuenta cu ta un Aruba nos tin y no mester bira un dump. Nos mester cuida loke nos tin actualmente. Si bo no cuid’e manera e tey, e ta bay perdi.
Pietersz a gradici na tur esnan cu ta yuda City Inspector, cual ta Cuerpo Policial y tambe di parti di Serlimar tambe. E City Inspectornan, polisnan di bario y tambe prensa, cu sin nan aporte City Inspector no por duna e noticia aki y parti e informacion rond. Ta spera cu en berdad den e caso aki pa pueblo mantene su bario limpi. E nomber di e accion ta “Ban Mantene nos bario limpi”. Cu e accion aki ta recoge auto bieu, wasmashin, stof. E otro sushedad, sigur ta bin acerca pasobra tin mas sushedad cu esey. Pa awor aki, ta sigui cu e proyecto aki. Esaki no ta un accion di fin di siman. E ta un accion cu a tuma cierto tempo caba pa haci un recorido rond den bario. A haci un inventarisacion caba di wak kico ta kico. Ainda tin cu bay fine tune e inventarisacion ey y pa e ora wak ki dia lo bay cuminsa pa haci esaki limpi. Tin hopi auto eyfo, tin hopi wasmashin mes cu tin di nan bo no sa mes cu ta eyfo. Kier haci full Aruba y ta spera cu en berdad por caba pa e fin di e aña aki cu por caba cu Noord. Pa Noord so, ta spera cu por caba cun’e. Ora cu bay pa e otro barionan, no sa kico lo bay topa. Un biaha mas e retonan tey y ta wak con por haci’e. Logicamente e no ta bay ta consistente den e sentido cu den e un siman largo tin cierto dianan cu Serlimar lo geef door cua ta e oranan y kico, ken y cuanto lo bay piki. E rol di City Inspector ta pa sta bij y wak si e obheto a wordo piki y si tin algun otro problema, Cuerpo Policial tey pa duna e asistencia cu e leynan y si tin hende ta haci fastioso cu ta bisa si prome, y despues nenga. A firma p’e, ta bay cun’e.