Sr Livio Hermans lo presenta diadomingo awor 20 di November den Cas di Cultura den sala UNOCA un recital di piano cu piesanan di compositornan di renombre. E recital aki lo ta na beneficio di e fundacion di cancer Koningin Wilhelmina Fonds.
E prome parti di e concierto lo consisti di piesanan clasico manera obranan di Mozart, Bach, Chopin, Schumann y Tschaikowsky. Despues di intermedio lo sigui cu e parti di compositornan Arubiano manera e.o. Padu del Caribe, Rufo Wever, Johnny Croes, dr. Oswald Wever y sra. Margareth Hage Barbour. E recital ta cuminsa pa 5’or di atardi y e entrada ta 20 florin. Ticket ta obtenibel e mesun atardi na porta. Bin disfruta di un atardi placentero den ambiente di musica clasico mientras bo ta aporta na e educacion y concientisacion di nos comunidad riba e lucha contra cancer.