Diamars atardi bahada di solo den Tarabana pa ser exacto Mandolinstraat panort di pacifico tabatin un bululu grandi riba caminda unda grupo grandi a enfrenta otro y tabatin tiramento di baranca boter y te hasta un auto a keda destrui.
Debi cu e situacion tabata uno grandi y no por a confia un solo patruya a digiri basta patruya di diferente districto p’e sitio. Patruyanan a yega di tur skina pa asina reestablece orden. A topa cu basta hende riba caya.
Segun polis ta combersa cu e personanan a constata cu ta problema entre bisiña pariba y bisiña pabou. Cos no ta bon pa ambos den e caya menciona, te hasta un van a keda destrui y tabatin varios auto mas envolvi pero a bandona e sitio. Polis a papia cu tur hende pa tin trankilidad pero pa con hopi no ta desconoci pasobra e bisiñanan tin un guera formal entre otro.