Tur dia ta bay contra di termento, pero internacional tin diferente dia contra di termento. Sr. Shurman Milliard di Telefon pa Hubentud ta amplia mas ariba e tema aki.
Diferente paisnan rond mundo ta recorda un dia contra di termento, p.e na Hulanda e ta dia 19 di April pero na Merca e ta dia 4 di Mei. Tur forma di termento tin otro aanpak, y ta pesey tin diferente dia tambe. P.e. cyberbullying, dus termento ariba internet, e dia ta un otro dia cu p.e. termento fisico cu ta dalmento, scopmento y tambe verbalmente tin un otro dia.
Na nivel internacional tin diferente manera di termento, pesey e fechanan ta varia. Dos aña Telefon pa Hubentud a cuminsa cu’n proyecto contra di termento y nan a traha hunto cu SKOA y 32 otro scolnan. Nan a bay Bonaire pa duna lesnan na scolnan pa haci e termento bira menos.
Na Aruba Telefon pa Hubentud, hunto cu SKOA y CBS, cu a yuda cu e cifranan di termento, con grandi e cifranan ta. Ta 54% di hobennan tin problema cu termento mientras cu na Hulanda ta 11%. Na Merca esaki ta 24% tin problema cu termento.
Na Hulanda tin 103 proyecto contra termento. Tur scol mester tin un protocol contra di termento, pa cual ta e motibo cu esaki a baha na 21. Na Aruba no tin nada di esey ainda. Telefon pa Hubentud a traha cu 32 diferente scolnan, nan a siña 92 diferente docente pa con pa laga e termento bira menos na scol y comunidad. Y e aña cu ta bin, diferente scolnan a bin cu nan proyectonan, den klasnan. E ta cuminsa for di e muchanan mas chikito. For di 3de klas te cu 5de klas di scol basico y e ta bay te e di prome y di dos aña di educacion avansa.
Ora cu cuminsa cu mucha chikito, nan ta tuma e maneho con pa interactua cu otro, pa no ter otro, paso tur ta mescos. Hasta te ora nan ta adulto, pa aki dies aña nan bisa, cu e termento a cuminsa na e muchanan chikito, pero aworaki e comunidad no ta ter otro mas.
Sr. Milliard a splica cu Minister di Enseñansa a traha hopi cerca cu telefon pa hubentud pa esaki bira menos. SKOA lo kier pa tur scol cu ta cay bou di SKOA bin cu n Pest Protocol. Esey ta encera cu na momento cu e mucha ta ter, mester tin un registra esaki. Tur maestro mester bay contra di termento di un manera. Si tur hende ta riba un liña, esaki ta e mensahe mas importante, pa e termento bira menos.
Den e proyecto tambe nan ta siña den klas pa laga e termento bira hopi mas menos. E maestro no por ta tur caminda, y si nan mes carga e norma y balor, esaki lo bay mas facil.
Telefon pa Hubentud tur aña tin Top 5 di e topiconan cu ta bin mas dilanti. Y termento semper ta bin dilanti den e lezingnan.