Diarason, 28 di Oktober a presenta e buki nobo pa mucha ‘Tekki e totèki. Papiamento ta topa Papiamentu’. E buki aki ta skirbi special pa siman di buki 2020 pa asina sigui motiva muchanan pa lesa. Autor ta Richard Dabian y publica pa Denise de Jongh-Rekwest di Request Publishing. E tema di siman di buki e aña aki ta historia. Den e buki ta menciona dichonan di antes. Tekki e totèki ta un fabula ku ta conscientisa nos muchanan pa nunca perde e ilusion pa logra nan metanan. Muchanan di Imelda Hof, Casa Cuna y tur scolnan di Trai merdia a ricibi e buki aki como donacion. Divi Impact Foundation a malcria e muchanan di Imelda Hof tambe cu un bunita y dushi bolo traha pa nan Pastry Chef Willeke den forma di Tekki. Request Publishing den koperashon ku Divi Impact Foundation a haci donacion di buki pa di tres aña na tur scol basico di Aruba. E buki ta obtenibel na De Wit Vandorp bookstore, Plaza bookshop y Biblioteca Nacional di Aruba.