E ultimo añanan banda di e metanan principal di Stichting Monumentenfonds Aruba (SMFA) cu ta restaura y mantene monumentonan. Pero tambe SMFA a bin ta enfoca mas ariba conscientisacion y educacion tocante nos monumentonan segun Sra. Mircla Nava, Education, PR & Marketing OFficer.
Un tiki mas cu un aña pasa SMFA a wordo acerca door di dos studiante di IPA cu tabata cabando nan estudio y nan tabata interesa pa haci un proyecto pa Monumentenfonds y awo esaki ta un realidad. E ta un monumentenwandeling, den forma di un buki pa muchanan di 6 pa 12 aña di scolnan basico. E buki aki ta siña e muchanan tocante e monumentonan di Aruba. E tin dos opcion di ruta, uno na Oranjestad y uno na San Nicolas.
E ta siña un tiki di historia di Aruba, di Oranjestad y di San Nicolas. SMFA a keda encanta cu e idea ora cu nan a presenta esaki na Monumentenfonds pa finalisa nan proyecto un aña pasa y Monumentenfonds a tuma e siguiente parti over, pa haci e proyecto un realidad. SMFA a uza esaki den cuadro di nan 20 aniversario Monumentenfonds aña pasa caminda nan a duna nan invitadonan pa contribui na e proyecto aki na forma di un regalo di aniversario. E reaccion tabata positivo. E fogoncito ta e personahe cu lo guia e muchanan durante e caminata. Esaki ta un personahe cu e studiantenan a crea basa ariba e logo di SMFA y e fogoncito aki lo guiabo den full e buki. Muchanan lo haya datonan curioso tocante cada un di e monumentonan aki.
Ora cu e diseña a keda cla, a yega e parti con ta yega na e muchanan, y SMFA ta sumamente agredeci na ATA y VNO cu a yuda den e parti financiero. Tur mucha di klas 1 te cu klas 6 lo haya e buki den nan man. E ta special tambe, pa motibo di e celebracion di Himno y Bandera y nos herencia cultural.
Esaki tabata e prome biaha cu e studiantenan mes a wak e buki tambe, y nan a contribui na e meta di Monumentenfonds pa preserva nos pasado pa nos futuro. Ta importante pa siña e muchanan foi chikito pa nan siña cuida nos monumentonan.
E buki mes ta na Hulandes y ta un estimulo pa e scolnan uza esaki y e scolnan mayoria di nan ta uza Hulandes, pa nan por hunto cu e muchanan na scol. Ya e buki a wordo uza caba, unda cu Sra. Nava a duna un presentacion na Scol Basico Kudawecha.
No ta tur monumento lo bin den e buki aki y SMFA lo sigui cu nan parti di trece informacion na scolnan grandi y scolnan chikito, manera kleuterschoolnan. Mas adelante lo sigui traha riba proyectonan pa scolnan mas grandi. Kisas den futuro, nan lo por pone online pa nan por download e. Aunke mayoria di e scolnan tin’e caba. Si mayornan cu no tin yiunan na scolnan basico por tuma contacto cu Monumentenfonds pa un copia digital di esaki.