Buki Festival Voz-i-Landia Escolar y Homenahe na Robert Jeandor, Icono Musical Arubano

Dialuna, 19 di november 2018 pa 6.30 p.m. lo tin un tremendo show den Cas di Cultura.
E lo ta un anochi musical dedica na ‘Homenahe na Festival Voz-i-Landia Escolar’ y ‘Homenahe na Roberto Jeandor, Icono Musical Arubano Nacional Internacional’.
Tin presentacion di e buki RELUCI, chispa musical cu ta relata historia y memorianan di Festival Voz-i-Landia Escolar 1981-2015.
Lo presenta un documentario di e desaroyo musical di Robert Jeandor como musico-bajista, cantante, salsero, merenguero, tumbero y bolerista.
Un show musical multidisciplinario cu musica, canto, baile, documentario y presentacion di e buki.
Tin presentacion di e banda musical ‘Robert y su Solo Banda Show’.
Cantantenan manera Rachel Kraaijvanger, Shannon Bueno, Cesar Olarte, Edjean Semeleer, Javier Ras y Nelson Tromp lo duna nan presentacion cantando. Johnny Scharbaay & friends lo acompaña algun cantante musicalmente.
Grupo Melodia bou guia di Rubin Ponson lo deleita publico cu diferente cancion popular. Tin presentacion di grupo di baile Club di Movimiento bou guia di Samantha Westera.
E buki cu historia y memorianan di Festival Voz-i-Landia Escolar lo ta obtenibel.
Pa carchi di entrada pa e show na Cas di Cultura y pa reserva e buki di Vozilandia por tuma contacto cu Mirto Lacle 7426274/ 7402044 / 5868998

Comments

comments