Condé Nest Traveler a anuncia awe e resultado di e di 31 edicion anual di “Readers’ Choice Awards” unda Bucuti & Tara Beach Resort ta wordo reconoci como un di e Top 50 Resortnan den Islanan di Caribe.
“Ta un honor sumamente grandi ora cu huespednan y simpatisantenan vota pa Bucuti & Tara Beach Resort manera nan a haci pa e Reader’s Choice Awards 2018 di Condé Nast Traveler Magazine”, segun Ewald Biemans, doño y CEO di Bucuti & Tara Beach Resort. “E premio aki ta un reconocimento na nos asociadonan di Bucuti & Tara Beach Resort cu ta haci nan trabou di henter nan curason y cu ta profesionalnan maraviyoso di hospitalidad.
Kibrando tur record, mas di 429,000 lector di Condé Nast Traveler Magazine a presenta nan cualificacion di experiencia di viahe pa yega na un idea di unda y con nos ta biaha awendia. Na 2018, lectornan a revela cu locual nan tabata kier experiencia den nan vakantie tabata “Keto. Chikito. Trankil.”, y loke a impresiona nan mas hopi tabata “mas chikito y menos yamativo cu añanan anterior”, y cu nan ta “ta prefera Caribe”. Bucuti / Tara Beach Resort ta haya esaki particularmente atractivo ya cu e ta conoci pa brinda su huespednan un vakantie trankil y intimo.
Fuera di wordo nombra un di e mihonan di Caribe, Bucuti & Tara tabata e resort cu e score di mas halto na Aruba den e circulo di ganadonan pa 2018. E resort aki cu ta pa adulto so ta sigui ta den noticia cu nan reconocementonan pa loke ta medio ambiente y satisfaccion di huespednan , anunciando recientemente cu nan ta e prome resort den Caribe cu a wordo certifica di a logra di ta “Carbon Neutral”.
“Condé Nast Traveler magazine Reader’s Choice Awards” ta e revista di reconocimento pa excelencia den e industria di viahe cu mas tempo riba mercado y esun mas prestigioso, y ta miho conoci como “e miho di e mihonan den biahamento”.
E “2018 Readers’ Choice Awards” ta wordo publica exclusivamente riba e website di Condé Nast Traveler’s na www.cntraveler.com/rca y e edicion di November lo ta den puntonan di benta di corant na Merca dia 16 di October.
Pa sa mas, bishita Bucuti.com.
Tocante Bucuti & Tara Beach Resort
Declara como e prome hotel CarbonNeutral® den Caribe na Augustus 2018 y TripAdvisor su No. 1 pa loke ta Hotel pa Romance den Caribe pa 2018, Bucuti & Tara Beach Resort ta e lider di Aruba su resortnan tipo boutique solamente pa adulto. Ubica riba e santo blanco di Eagle Beach, Bucuti ta “hogar” pa turtuganan protegi y a wordo nombra un di e “Beachnan Encanta di Mundo”. E resort ta ofrece 104 camber bon ekipa, cuminda saludabel ganadora di varios premio y un programa extensivo di bienestar. E ta un hotel apto pa LGBTQ aproba door di TAG®. Bucuti ta un lider mundial den turismo sostenibel cu certificacion ecologico LEED Silver, Green Globe Platinum, ISO 14001 y Travelife Gold y a wordo nombra door di Green Globe como e Hotel-Resort mas sostenibel di 2016.
Tocante Condé Nast Traveler
Condé Nast Traveler, como e vocero mas exigente y actualisa den tur loke ta biahamento, ta e bijbel y musa di ciudadanonan di mundo y ta ofrece inspiracion y informacion vital. Condé Nast Traveler ta e nomber mas confiabel y celebra, cu premio “National Magazine Award” y 26 nominacion den su 30 aña di historia. “Advertising Age “ a nombra Pilar Guzmán como Editora di Aña na 2014 y CNTraveler.com a obtene 3 “Webby Award” na 2015. Pa mas informacion, bishita www.cntraveler.com.