Dialuna 7 di mei 2018 a tuma luga riba tereno di Nacional na Alto Vista e wega entre Nacional contra di Bubali Division Junioren.
E ekipo di Bubali ainda ta bringando nan clasificacion pa e playoff Final.
Mientras cu Nacional a clasifica caba, e wega a wordo dirigi pa arbitro principal Luis Bedoya, asisti pa Wilfred Tromp y Simmons.
Den e prome parti di wega nos mester bisa cu Nacional tabata hunga un futbol riba tur trankilidad mientras cu Bubali tabata busca e gol pa bay ariba.
Faltando 4′ pa final di e prome tempo Bryan Bedoya #9 di Nacional riba un atake ta logra habri e marcado pa bay ariba 1-0.
Den e di dos parti di wega e ekipo di Bubali ta bin todo por todo y na di 75′ di wega Roland Tromp #12 ta logra score pa empata e wega.
E ekipo di Bubali ta sigui presiona y na di 80′ di wega ta e hoben Mark Jacobs #48 ta logra score e gol di victoria pa Bubali bai cas cu e tres puntonan hopi valioso.
Refree principal a saca un total di 8 carchi geel di cual 4 pa cada ekipo.
Score Final Nacional vs Bubali 1-2 Division Junioren SUB 20.