BRUSSEL, Belgica – E comision Europeo ta pidi e Estadonan miembro pa expulsa un volumen masal di migrantenan iregular. Brussel ta calcula cu tin na Union Europeo mas di aproximadamente un miyon di persona cu tin cu wordo debolbi na nan pais di origen, segun e plan di acelera retorno di stranheronan presenta diahuebs. E comisario Europeo di Migracion, Dimitris Avramopoulos, a pidi pa nan aplica e principal recomendacion cu ta contene e iniciativa aki pa eleva e tasanan di expulsion: amplia e periodonan di detencion di migrantenan iregular. “Den algun di e paisnan, e periodonan legal (di internamento) ta hopi inferior na loke e directiva Europeo ta permiti. No ta basta pa completa e procesonan di readmision di e migrantenan aki,” e comisario a argumenta.
E recomendacion na Estadonan miembro, ta delanta diaranson pa El Pais, ta basa riba calculonan cu ta situa e cantidad di candidatonan potencial na e expulsion riba di un miyon di persona. Asina ta figura den e plan di accion pa acelera e retornonan aki. Aunke fuentenan comunitario ta adverti cu ta trata di un estimacion, no di un cantidad preciso, e documento ta aporta datonan cu ta sugeri cu e volumen por ta superior.
Solamente den e dos ultimo añanan, Union Europeo a ricibi 2.6 miyon di solicitud di asilo.
Fuente: El Pais