BRUSSEL, Belgica – E comision Europeo a anuncia diaranson e apeertura di investigacionnan riba Nike, Universal Studios y Sanrio, matriz di Hello Kitty, pa sa si nan politica di concesion di licencia ta limita e capacidad di e fabricantenan pa bende nan productonan pafo di e bloke.
E ehecutivo comunitario ta investiga si “Nike, Sanrio y Universal Studios ta restringi e benta transfronteriso y online di productonan deeriva,” e comisaria Europeo di Competencia, Margrethe Vestager a indica.
“Nos ta bay analisa si e practica den materia di licencia y di distribucion aplica pa e tres empresanan aki ta impedi eventualmente e consumidornan na accede na un variedad di opcion mas amplio y miho oferta riba e mercado unico,” el a agrega.
E tres empresanan aki ta concede licencia “riba e derechonan relativo na algun di e marcanan mas conoci na nivel mundial,” manera FC Barcelona, den e caso di Nike; “Minions”, di parti di Universal Studio y Hello Kitty, pa Sanrio, e Comision ta splica den un comunicado.
Denb concreto, e empresanan ta otorga e licencia di uzo di imagen di e marcanan aki na fabricante di prendanan pa bisti, sapado of acesorio di telefon, entre otro, pa “haci e productonan aki mas atractivo pa e consumidornan,” e fuenta aki ta añadi.
Fuente: www.elespectador.com