VILLAVICENCIO, Colombia- Al menos nuebe persona a muri y tres a resulta herida ora cu’n brug den construccion a cay den otro. E brug aki lo mester a conecta Bogota, e capital di Colombia, cu Villavicencio, den e region zuid-oost di e pais. E infrastructura lo mester a wordo inaugura na Maart proximo.
E accidenbte a tuma luga dialuna den e region conoci como Chirajara, un area hopi montañoso unda ta construyendo e di dos piso di un caretera Bogota-Villavicencio, cu, a lo largo di su 120 km ta inclui decenas di viaducto y tunnel pa scapa e orografia (conhunto di ceronan den un region) di e zona. E brug ta 446 m di largo. E construccion tabata tumando luga na mas di 280 m di haltura. E victimanan tabata personanan cu tabata haciendo trabaonan di soldeer den e parti abao di e viaducto. Na momento di e tragedia, decenas di obreronan tabata den nan lunch break.
Causa di e tragedia no ta conoci y tabata falta solamnete 20 m mas pa por a completa e obra.
Fuente: https://elpais.com/