LUDVIKA, Suecia – Sigur 12 persona a keda herida diahuebs, ora cu un brug bao di construccion a cay den otro na Suecia. Trahadonan a keda pega bao di e escombronan na e incidente cu a tuma luga na Ludvika, segun servicionan di ayudo.
Autoridadnan local a meld cu cuater di e victimanan a keda seriamente herida.
Riba e foto por mira claramente cu e brug a cay completamente den otro. E escombronan a cay riba railsnan di trein cu tabata net bao di dje. Segun autoridadnan local posiblemente lo tin mas hende pega abao. “Trahadonan di rescate y polis ta na e sitio,” segun vocero di polis.
E compania di construccion Skanska, cu tabata bezig cu e trabaonan, a reacciona den shock riba e incidente. “Nos ta tuma esaki masha na serio mes,” segun un vocero a bisa e agencia di prensa TT. “Nos atencion ta bay na esnan cu a keda herida debi na e incidente. Ya tin hende na caminda pa asina duna sosten y pa cuminsa cu un investigacion.”
Fuente: www.nu.nl