BRISBANE, Australia- E virus, un malestar estomacal, a wordo detecta ariba e prome dia di e biahe ei Sun Princess pa Pacifico, segun un comunicado publica door di e compania madre.
Autoridadnan sanitario a confirma dos caso despues cu e barco a sali for di waf di Brisbande. Sun Princess a wordo afecta pa un caso similar asina na Februari.
Despues cu e pasaheronan a aborda e barco pa un biahe di 10 dia nan a cuminsa sinti e sintomanan.
“Nos a wordo informa cu testnan haci a bordo di e barco a duna cu e norovirus ta e causante di e malestar”, un vocero di autoridadnan sanitario di Queensland a informa.
Princess Cruises a informa cu nan lo haci un “limpiesa profundo” riba e barco prome cu e sali atrobe.
“Stapnan proactivo y exitoso a wordo tuma riba e barco Sun Princess pa limita cu e malesa por propaga su mes”, un vocero a bisa.
“E prome caso a wordo raporta e prome dia ariba e crucero, sugeriendo cu e malesa a wordo introduci na momento di embarcacion na Brisbane”.
http://www.bbc.com/news/world-australia-
