Internacional: India su estado sur di Kerala ta enfrentando actualmente un brote hopi raro, pero potencialmente serio virus Nipah cu por a causa por lo menos dos morto, segun informacion local. Oficialnan di salud a cera scolnan y oficinanan na Kerala y cientos di residentenan ta wordo getest.
A pesar cu e rate ta halto di mortalidad di e virus Nipah y cu no tin tratamento specifico disponibel, expertonan a bisa cu ta masha poco probable cu e virus lo conduci na un emergencia global y cu ta un recordatorio di con destruccion di habitat a conduci na e transmision di e enfermedad for di animalnan pa hende.
Aki tin loke bo mester sa tocante e virus, incluyendo sintomanan y sintomanan, con e virus ta wordo transmiti y kico tratamentonan ta disponibel.
Kico ta e virus Nipah?
E virus Nipah ta un tipo di enfermedad zoonotico, loke ta nifica cu mayormente e ta wordo haya den animalnan y por ta inicialmente ta wordo transmiti entre animalnan y hende. E a wordo descubri prome biaha na 1999 despues cu un enfermedad a afecta tanto puerkonan como hendenan na Malaysia y Singapore, segun e Centers for Disease Control and Prevention.
Kico ta e sintomanan?
Sintomanan generalmente ta surgi entre cuatro y 14 dia despues di exposicion. E sintoma mas comun ta keintura, sigui pa dolor di cabes, tos, garganta zuur, dificultad pa respira y sacamento.
Diagnostica e virus den e etapa temprano ta dificil frequentemente pasobra e sintomanan ta pareci cu hopi otro enfermedad, segun e CDC a bisa.
E virus por conduci na sintomanan severo, manera desorientacion, draaimento di cabes, convulsion ( haya atacanan ) loke ta inflamacion di e cerebro. Esakinan por avansa pa un coma den 24 pa 48 ora, segun e CDC.
Morto ta varia entre 40% y 75% entre tur caso, segun e agencia federal di salud a bisa. Algun cambionan permanente a wordo nota entre sobrevivientenan, incluyendo convulsionnan persistente.
