Brote di COVID den henter Hulanda ta serio y birando hopi serio

E cantidad di casonan di corona den henter e país ta subiendo, y cu esaki e nivel di riesgo tambe ta subiendo.

Diesun di e 25 regionnan di seguridad ya caba ta e nivel mas halto di advertencia, hopi serio, y por bini 10 region acerca na momento cu e siman aki publica e mapa nobo di Hulanda, unda ta señala e riesgonan di COVID.

Hulanda tin cuatro nivel di riesgo pa coronavirus. Di esun mas abou bay halto nan ta vigilante, preocupante, serio y hopi serio. Dos cifra ta importante pa e nivel di riesgo den un región: e cantidad di casonan positivo y e cantidad di personanan interna den hospital. Te cu fin di mei tur e 25 regionnan di seguridad tabata na hopi serio. Den luna di juni el a wordo baha, ora cu e cantidad di casonan positivo a baha hopi lihe.

Siman pasa e cantidad di nivel di risico a subi fuertemente como consecuencia di e ola nobo di corona. Door di esaki tin 11 region na e nivel di hopi serio y diestres na e nivel di serio. Na Zeeland e situacion ta preocupante. Niun caminda tin e nivel di vigilante.

Unda cu awor e situacion ta hopi serio ta: Amsterdam-Amstelland, Groningen, Rotterdam-Rijnmond, Haaglanden, Utrecht, Midden- en West-Brabant, Twente, Kennemerland, Zaanstreek-Waterland, Hollands Midden y di Gooi y Vechtstreek. Amsterdam-Amstelland ta esun mas grandi. Den e ultimo shete dianan 914 di cada 100 mil habitante a test positivo. Esaki ta nifica cu 1 di cada 109 habitante di Amsterdam y bisindario a haya un test positivo.

Probablemente nuebe región mas lo yega e nivel di hopi serio. Un di nan ta Gelderland-Zuid. Denb e ultimo shete dianan casi 2500 persona a haya tende cu nan tin  COVID. Prome cu esey e tabata caso 700, c uta un aumento di 263%. Coronavirus ta principalmente den e ciudad universitario Nijmegen.

E otro regionnan cu por haya e nivel di hopi serio ta Noord-Holland Noord, Zuid-Holland Zuid, Brabant-Noord, Brabant-Zuidoost, Gelderland-Midden, Noord- y Oost-Gelderland, IJsselland y Friesland. Flevoland ainda ta bou di e limite, pero den e próximo dianan tambe lo por yega na e nivel di mas halto. Si esey sosode, e ora nuebe di e 12 provincianan ta e nivel di hopi serio.

Comments

comments