Diasabra marduga na e t-weg pabou di frans figaroa na Shaba a keda registra un accidente serio entre un auto y brommer, di biaha patruyanan ta presenta n’e sitio. Ta topa cu un homber riba un hayabusa herida cu sla serio na su cara y otro parti di curpa herida y cu fractura na su man. Ambulance a keda solicita pa presenta cu urgencia y a presenta di biaha unda paramediconan a brinda asistencia di biaha n’e victima.
Cu ayudo di otro hendenan a pone e homber herida riba cama y asina paramedico a stabilise na e sitio y a keda trasporta despues pa hospital.
Mes momento a pone e chauffeur di e kia sportage supla y esaki no tabatin nada di alcohol den su sistema, segun e chauffeur el a subi caminda debi cu e no a wak e brommer mes.
Otro ambulance a presenta debi cu e chauffeur di e sportage ta un persona cu edad y paramedico a controla e persona su salud.
Polis di trafico tambe tabata presente pa haci nan investigacion y tuma dato debi cu e motociclista a haya basta sla na curpa.