Central ta dirigi patruya di Noord na un adres den Semeleerstraat, den cuadro cu molester di e pashent di PAAZ y uzado di droga Brito. Eynan polis a papia cu e homber L., kende a declara cu rond di 4’or y 45 di marduga, el a sinti un klap duro riba su dak, posiblemente door di piedra. Despues el a mira cu su bisiña, e conocido pashent di PAAZ y alabes uzado di droga, Brito tabata sconde den cura. Brito a core bay direccion zuid. Patruya a bay controla den vecindario. Despues di 20 minuut, nan a bay bek, e biaha aki na cas di Brito. Nan a top’e paden y esaki a haci su best pa mustra cu e tabata den un soño profundo. Brito a wordo atendi riba esaki. Central a wordo poni na altura. Den un nota polis a constata cu Brito ta bibando den un situacion penoso. Alabes parce cu e tabata den un psychose. Esaki tin atencion di polis.