DUBAI, Emiratonan Araba- Un homber Escoses tin posibilidad di bay cera pa tres aña na Dubai, door di a pone su man ariba un homber den un bar.
Jamie Harron, di 27 aña procedente di Stirling, a bisa cu e tabata purbando di no basha su bebida den e Rock Bottom Bar cu tabata yen, momento cu e incidente a pasa.
El a wordo encarcela pa cinco dia y awo e ta wordo prohibi di bandona e pais pa asina e por ta presente den Corte.
E Foreign and Commonwealth Office a bisa cu e ta dunando ayudo consular ariba e materia aki.
E aresto aki ta bin despues cu un homber di Edinburgh a wordo encarcela na Dubai despues di a purba cambia un biyete £20.
E grupo di campaña Deta cu oficina na Dubai a bisa cu Harron a wordo aresta pa indecencia publico despues di a mishi cu e homber su heup.
Segun e grupo, esaki ta un ehempel mas con vulnerabel turistanan ta pa wordo aresta na Dubai door di un sin fin di procesonan legal y desorganisa.
Fuente: http://www.bbc.com