Britania ta gana RCA den play-off Division Dama.

0
RBC Juli 2018
Funmiles-2018

Diadomingo 10 di juni 2018 a tuma luga continuacion di e play-off division Dama den CDGT na Dakota.Britania e actual lider di e play-off aki a topa contra RCA cu ta na di 3er luga riba standing. Britania den nan prome wega di e play-off aki a topa contra di La Fama y ta gana e wega cu e score 2-0. Den nan segundo compromiso ta gana di e propio RCA cu e score di 2-1.Britannia ta cay venci den nan di tres compromiso contra di e muchanan di Madiki Riverplate cu e score di 0-2. Esaki nan tabata e wega nan di e prome rond. Den e di dos rond ta gana di La Fama 2-1.

Britania vs RCA rond 2.
Den e wega di diadomingo nos mester bisa e ekipo di RCA a sali pone basta presion riba nan contrincante y crea algun oportunidad pero no por a concretisa, den un contra atake di e ekipo di Britania pa ser exacto na di 18′ di wega ta logra habri e marcado cu un cabezaso di Mylene Croes #10 pa Britania bay ariba 1-0.
Na di 33′ di wega RCA ta logra empata e wega pa medio di e hungado Lizanne Kelly #30 na un gol pa banda.Final di e prome tempo ta termina den un empate na un gol pa banda.
Den e segundo tempo e ekipo di RCA ta sali pone basta presion riba e ekipo di Britania.
Na di 63′ di wega Jennifer Henao #11 di Britania ta logra score pa bay ariba 2-1.
Den un pifia di e keeper di RCA ta bay saca e bala pa su defensa y ta faya barbaramente ta duna Mylene Croes #10 e bala caminda e no ta basila y ta deposita e bala den net pa asina Britania bay ariba 3-1 na di 73′ di wega.
Den tempo extra 90+2′ RCA ta logra score pa corta bentaha na 2-3 caminda cu Lizanne Kelly #30 ta pone un otro gol riba su nomber. Final di e wega Britania ta gana di RCA 3-2 y asina tambe ta clasifica pa e gran Final faltando un wega mas pa hunga contra di Riverplate cu lo tuma luga diahuebs 14 juni 2018 den CDGT pa 8or pm.

Comments

comments

C: Heineken
new india