Diahuebs merdia polisnan cu urgencia a bay altura di Carniaval Village pa un bringamento formal entre algun homber cu a caba na hincamento. Patruyanan ta di San Nicolas ta yega basta lihe topa cu un homber cu hinca seriamente na su curpa y a solicita ambulance cu urgencia.
A detene un homber cu ta e persona cu a hinca. Ambulance a presenta y asina atende cu e victima rapidamente y hibe hospital cu urgencia pa atencion medico. Recherche y departamento forensico a presenta tambe na e sitio pa haci nan investigacion y tuma evidencia y tambe declaracion di testigonan cu por a wak algo.