Diaranson atardi habitante di Wayaca residence a bati alarma na autoridad cu tin huma den e cas di biaha a despacha unidad di brandweer cu urgencia p’e sitio. Dos truck a presenta pa cualkier eventualidad cu si di berdad tabatin candela, pero a topa cu solamente e habitantenan pafo di cas caba.
Bomberonan a drenta paden y a tuma nota cu ta e cashi coriente paden di e cas unda e breakernan ta, ta loke a pega candela pero e habitante mes a domina esaki lihe. Posibel kortsluiting na un voltahe halto a causa esaki.
Polis tambe tabata n’e sitio pa pone nan mes na altura di e caso y a notifica Elmar y DTI presenta pa un inspeccion.
Ambulance tambe a presenta unda paramedico a controla un homber cu tabata den e cas momento di e huma y a inhala esaki.
