Diabierna ultimo tabata tin e apertura di e Gym nobo di Centro di Bario Brazil y e atletanan di Train Hard Fight Smart tabata presente pa e apertura aki y nan por a test algun mashin.
Esaki ta nobo pa hopi di e atletanan di Brazil Taekwondo Stichting, mirando cu na training nan sa haci uzo di nan mesun forsa pa nan train forsa. E atletanan a purba varios mashin, manera e bais, bench press mashin y e otro mashinnan pa sinti con esakinan ta traha. E topico aki lo bay bira un punto di agenda den e proximo reunion di Brazil Taekwondo Stichting. Centro di Bario Brazil su gym ta pa tur hende haci uzo di dje y nan kier pa e muchanan cu ta haci uso di e veld di yerba artificial, cancha di volley ball y basketball haci uzo di e gym aki tambe.
Sr. Willy Willems y Chico Harms ta masha contento cu Centro di Bario Brazil ta conta cu un otro actividad adicional pa e hobennan.