Diasabra awor ta tuma lugar e di 9 Aruba Caribbean Cargo/Arumia Logistics Taekwondo Cup. Invitacion a bay pa tur e scolnan di Taekwondo na Aruba y diabierna tin e registracion, pero ya Brazil Taekwondo Stichting ta sinti cu nan lo gana e copa di Best Team pero ainda ta falta e registracion di e scolnan cu a wordo invita.
Master Eric Barry di San Nicolas Taekwondo Center a laga sa caba cu nan ta bin bon prepara hunto cu Samuel Jones na cabez cu a laga un bon impresion atras di best fighter na varios campeonato.
Juwell Illidge ta cargando e titulo di varios campeonato di Best Female Fighter. Brazil Taekwondo Stichting su team a wordo forma caba pa Alberto Klabér y ta conta cu nan lo saca cara di Brazil Taekwondo Stichting. Aaron Jacobs y Aischal van der Linde ta bay coach e team di Train Hard Fight Smart diasabra awor den Centro di Bario Brazil y nos ta haci un yamada na nos pueblo pa bin presencia e mihornan bringa pa e Best Team Cup y clasifica pa e Best of the Best di dia 1 di October 2016.