Brazil Taekwondo Stichting kier a gradici e pueblo di Aruba y tambe Centro di Bario Brazil cu nan actividad di recauda fondo pa Dande, pasobra hopi hende cu a bin pa haci nan donacion na Dande a trece nan auto pa e team di Brazil Taekwondo Stichting por a laba, lagando e auto ta briya.
Brazil Taekwondo Stichting ta recauda fondo pa e team di Train Hard Fight Smart por representa Aruba internacionalmente. Awo e ultimo car wash ta tras di lomba y nos ta masha contento cu e ayudo di e mayornan y atletanan cu a haci esaki posibel labando tur e autonan cu a bin pa haya nan briyo.
E proximo car wash ta programa pa dia 4 di Maart 2018. Awo nos ta warda pa e kalender di aña 2018 keda cla pa nos por subi e cayanan di Aruba pa bende esakinan. Brazil Taekwondo Stichting tin metanan grandi pa aña 2018 y tin varios reto pa cumpli cu nan, manera material di train, biahe y si keda cla un bus.
Un biaha mas Brazil Taekwondo Stichting ta masha gradici cu nos pueblo cu semper ta coopera cu Taekwondo y awo ta falta un paar di dia mas pa asina nos haya nos kalender pa bende.